मरेको भारतीयले ज्युदो नेपाली ठग्छ भन्थे हो रहेछ , हेर्नुहोस ठगिको अनेक रुप …

0
84

सीताराम चौधरी चन्द्रौटा(कपिलवस्तु) – ठगी आरोपमा एक भारतीय नागरिक कपिलवस्तुको चन्द्रौटाबाट पक्राउ परेका छन् । चन्द्रौटास्थित जस्मिन मनी ट्रान्सफरबाट रकम झिक्ने क्रममा विशेष सूचनाका आधारमा वडा प्रहरी कार्यालय चन्द्रौटाले नियन्त्रणमा लिएको हो ।पक्राउ पर्नेमा भारतको गोरखपुर थाना शाहपुर कौवाबाघ आरपीएफ कलोनी क्वार नं. ३९ डी.सी. बस्ने २८ वर्षीय अजित कुमार सिंह रहेका छन् । पक्राउ परेका भारतीय नागरिक सिंहको साथबाट प्रहरीले ५५ हजार रुपैयाँ, नक्कली कागजपत्र बरामद गरेको जनाइएको छ ।

सुनसरी जिल्ला धरान उपमहानगरपालिका ८ का २८ वर्षीय सरोज रानामगरलाई २५ लाख चिठ्ठा परेको प्रलोभनमा पारी कर बापत ५५ हजार बैंकमा जम्मा गर्न लगाई भारतीय गिरोहले ठगी गरेको आरोप उनलाई लगाइएको छ । सरोजले ग्लोबल आई.एम.ई. बैंक धरानबाट अजित कुमार सिंहको नाममा ५५ हजार पठाएका थिए । ईन्टरनेट भाइबरमा बिजय कुमार नामका अपरिचित व्यक्तिले पीडित सरोजलाई २५ लाख चिठ्ठा परेको प्रलोभन देखाई कर बापत पहिलो किस्तामा ५५ हजार बैंकमा जम्मा गर्न लगाइएको प्रहरीले जनाएको छ ।

कर रकममध्ये दोस्रो किस्ता ४५ हजार जम्मा गरेपछि मात्र २५ लाख पाइने गिरोहले प्रलोभन देखाएको पीडितको भनाई उदृत गर्दै प्रहरीले जानकारी दिएको छ । ठगीको घटनामा अन्य भारतीय नागरिकहरुको समेत संलग्नता रहेको प्रहरीले जनाएको छ । सर्वसाधारणलाई ठगी गर्ने गिरोहले नेपाली झण्डा प्रयोग गरी वेभ डिजाइन गरी २५ लाख चिठ्ठा परेको नक्कली डकुमेन्ट बनाई अनलाईन माध्यमबाट पीडितसँग सम्पर्कमा आई ठग्ने गरेको बुझिएको छ ।

पक्राउ परेका आरोपीलाई जिल्ला अदालत तौलिहवाबाट ठगी मुद्धामा म्याद थप गरी अनुसन्धान प्रक्रिया अघि बढाइएको वडा प्रहरी कार्यालय चन्द्रौटाका प्रहरी निरीक्षक झविन्द्र प्रसाद भट्टराईले जानकारी दिए ।

प्रहरीले आरोपीलाई मंगलबार पत्रकार सम्मेलन गरी सार्वजनिक गरेको छ । प्रहरी निरीक्षक भट्टराईले नेपालको कानुनमा चिठ्ठा वा उपहार परेमा कर कट्टा गरी बाँकी चिठ्ठा परेकालाई उपलब्ध गराइने व्यवस्था रहेको बताए । उनले यदि कसैले चिठ्ठा परेको प्रलोभन देखाई कर जम्मा गर्न लगाएमा सतर्क हुन आग्रह गरे । पत्रकार सम्मेलनमा शिवराज नगरपालिकाका नगरप्रमुख नेत्रराज अधिकारी, इलाका प्रशासन कार्यालय प्रमुख जगदीश अर्यालको उपस्थिति रहेको थियो ।

प्रहरीले आरोपीलाई मंगलबार पत्रकार सम्मेलन गरी सार्वजनिक गरेको छ । प्रहरी निरीक्षक भट्टराईले नेपालको कानुनमा चिठ्ठा वा उपहार परेमा कर कट्टा गरी बाँकी चिठ्ठा परेकालाई उपलब्ध गराइने व्यवस्था रहेको बताए । उनले यदि कसैले चिठ्ठा परेको प्रलोभन देखाई कर जम्मा गर्न लगाएमा सतर्क हुन आग्रह गरे । पत्रकार सम्मेलनमा शिवराज नगरपालिकाका नगरप्रमुख नेत्रराज अधिकारी, इलाका प्रशासन कार्यालय प्रमुख जगदीश अर्यालको उपस्थिति रहेको थियो ।आरोपी गत पुस ३० गते चन्द्रौटास्थित जस्मिन मनी ट्रान्सफरबाट पक्राउ परेका हुन् ।

LEAVE A REPLY

Please enter your comment!
Please enter your name here